منتديات أصحاب كوول | As7ab CooL


 
الرئيسيةاليوميةس .و .جبحـثالتسجيلالأعضاءدخول

شاطر | 
 

 أحلى حياه فى طاعة الله(شعارنا فى رمضان)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Basmala
عضو مميز
عضو مميز
avatar

انثى
عدد المشاركات : 1394
العمر : 29
الإقـامـه : مصر
الـوظـيـفـه : باحثه عن رضا ربها
لقب العضو : امة الله
تاريخ التسجيل : 14/01/2009

مُساهمةموضوع: أحلى حياه فى طاعة الله(شعارنا فى رمضان)   الإثنين أغسطس 02, 2010 9:02 am



لنجعل شعارنا في رمضان ....الطاعة أحلى






كل عام وانتم بخير


كل عام وأنتم إلى الله أقرب


كل عام وأنتم على الطاعة أدوم







اخواني في الله


رمضان على الأبواب


والكثير تكلم عن رمضان وفضله وثوابه







وكلنا عارفين المغريات الدنيوية اللي فيه


بقالنا كام شهر بنشوف إعلانات عن مسلسلات رمضان وبرامج رمضان






وطبعا مشفتش إعلان واحد عن برنامج ديني أو حتى مسلسل ديني !






المهم






أكيد جربنا الجلوس أمام التلفزيون بالساعات علشان نتفرج على مسلسل خلف مسلسل






وده إللي بيعمله أغلب الناس في رمضان






وكأن شعارنا في رمضان




رمضان شهر المسلسلات


أو


رمضان شهر التليفزيون







أكيد بعضكم بيقول يا ساتر عليها


أمال هنفضل طول النهار نقرأ قرآن وبس وطول الليل صلاة وبس




نسلي صيامنا إزاي؟


واليوم طويل والحر شديد




همه مش هيبطلوا كلام في الموضوع ده








بالراحة بس شوية عليه


بالهداوة كده






أنا عايزة أسألكم سؤال


إنتم جربتم الفرجه على التلفزيون وحسيتم بمتعتها


صح ولا لأه






طيب أنا عاوزة منكم كده تجربة عمليه


اليوم الأول من رمضان بس







عايزاكم تجربوا تخلوا أول يوم من رمضان للطاعات ومن غير مسلسلات






يعني لو متعودين تشوفوا في رمضان أربع مسلسلات


كل ميعاد مسلسل قوموا






إقرؤا جزء قرآن







أو اذكروا ربنا






أو اسمعوا شريط قرآن






أو اتفرجوا على برنامج ديني






أي طاعة بتحبوها






وشوفوا لذة الطاعة بتكون عاملة إزاي





حاجة تانية خالص



طعم تاني وإحساس تاني





جربوه وهتحسوا بفرق لذة الطاعة عن أي لذة أو متعة تانية في الدنيا





كل لذة بتزول إلا لذة الطاعة





لذة الطاعة بتديكم شعور ما يتوصفش من الراحة والطمأنينة


والسعادة


وبتنسيكم أي هم أو مشاكل



وبتديكم أحلى إحساس ممكن تحسوا بيه








وبعدين كل البرامج والمسلسلات مش هتطير هتتذاع مليون مرة على مليون قناة بعد رمضان






لكن رمضان لو ضاع مش ممكن نقدر نعوضه







بس لازم تعرفوا





كل حاجة وليها ثمنها وثمن حلاوة الإيمان موجودة في هذا الحديث


(ثلاث من كن فيه؛ وجد حلاوة الإيمان؛أن يكون الله ورسوله أحبإليه مما سواهما،وأن يحب المرء لا يحبه إلالله،وأن يكره أن يعود في الكفر، كما يكره أن يقذف فيالنار)









ركزوا على الجزء ده كده " أن يكون الله ورسوله أحب إليه مما سواهما "






عاوزة إجابة فورية وسريعة





مين أحب عندك


الله ورسوله ورضاهما واغتنام فرصة رمضان لنيل المغفرة والرضوان




ولا مسلسل خايف يضيع عليك ؟







أسباب المغفرة كلها متجمعة في رمضان .
والله مافتح الله أبواب الجنان إلا من أجل أن يُدخلك فيها .
والله ؛ ما غلّق الله أبوابالنيران إلا ليُبعدك عنها .
ما صفّد الله مردة الشياطين إلا لتُقبل عليه ، وعلىطاعته ، التي هي سبب رضاه ، التي هي سبب سعادتك وفلاحك .








متضيعوش الفرصة وترجعوا تقولوا يا ريتناعملنا حاجة


"أن تقول نفس يا حسرتى على ما فرطت في جنب الله "








سؤال كمان ربنا يكتبلكم الصحة وطول العمر


حد فينا ضامن يعيش رمضان السنة الجاية طبعا لأه ولا حتى رمضان ده






خلاص انووا إن رمضان ده يكون مختلف






إنووا إن رمضان ده يكون للطاعات








خلوا شعاركم




الطاعة أحلى

عايزاكم يا جماعه تشاركوا وتقترحوا عليا عبادات نعملها مع بعض ف رمضان هنا بالمنتدى
ايه رايكم؟ مستنيه اقتراحتكم




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد بك
عــضــو كــوول
عــضــو كــوول
avatar

ذكر
عدد المشاركات : 289
العمر : 28
الإقـامـه : الفيوم
الـوظـيـفـه : م.صيانة المحمول
لقب العضو : هوه سماكم المسلمين
تاريخ التسجيل : 19/04/2010

مُساهمةموضوع: رد: أحلى حياه فى طاعة الله(شعارنا فى رمضان)   الإثنين أغسطس 02, 2010 9:45 am

انا بقول فى رمضان لازم نختم القرأن ونعمل توبيك وكل يوم اليقرأء الجزءيسجل اسموا لاغاية اخر الشهر ونشوف كام واحد ختم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
tamtam
عضو مميز
عضو مميز
avatar

انثى
عدد المشاركات : 996
العمر : 27
الإقـامـه : way to ALLa
الـوظـيـفـه : doctor
تاريخ التسجيل : 10/04/2010

مُساهمةموضوع: رد: أحلى حياه فى طاعة الله(شعارنا فى رمضان)   الإثنين أغسطس 02, 2010 12:57 pm

وكلنا عارفين المغريات الدنيوية اللي فيه


بقالنا كام شهر بنشوف إعلانات عن مسلسلات رمضان وبرامج رمضان


بجد الواحد مش عارف يقول ايه بجد حاجه تنرفز

معاكى يابسمله ربنا يجعله فى ميزان حسناتك

وفكرة احمد انا موافقه عليها

انا معاكوا فى اى حاجه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لا تسألنى من أنا
عضو مميز
عضو مميز
avatar

انثى
عدد المشاركات : 528
العمر : 29
الإقـامـه : أرض الله
تاريخ التسجيل : 03/01/2010

مُساهمةموضوع: رد: أحلى حياه فى طاعة الله(شعارنا فى رمضان)   الإثنين أغسطس 02, 2010 4:22 pm

ماشاء الله عليكى وبجد كلامك صح وانا عن نفسى جربت قبل
كدا أنه يكون شهر الطاعه وذى مقولتى المسلسلات دى بتتعاد
طول السنه لكن شهر رمضان مرة واحده بس فالسنه
وفكرت أحمد جميلة وممكن كل يوم واحد يدخل ويشرح
عن صحابى من اصحاب رسول الله صلى الله عليه وسلم
أوسيرته النبويه أو غزوات وطبعا لو الفكرة عجبتكم نحدد
موعدد نتجمع فيه ونستمع لهذا الشرح
وجزاكى الله خيرا الثواب وأفضله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Basmala
عضو مميز
عضو مميز
avatar

انثى
عدد المشاركات : 1394
العمر : 29
الإقـامـه : مصر
الـوظـيـفـه : باحثه عن رضا ربها
لقب العضو : امة الله
تاريخ التسجيل : 14/01/2009

مُساهمةموضوع: رد: أحلى حياه فى طاعة الله(شعارنا فى رمضان)   الثلاثاء أغسطس 03, 2010 8:59 am

ما شاء الله عليكم يا جماعه بجد افكار جميله وانا متاكده ان احنا كل شويه
حنظبط الموضوع اكتر واكتر
والله يا جماعه انا حبيتكم ف الله واتمنى ان احنا نتجمع مع بعض على طاعة ربنا
فى انتظار المزيد من الاقتراحات
فكرتك يا احمد جميله جدا بجد وحنستفاد منها اوى
وبردو فكره لا تسالنى من انا
نورتوا بجد والله يا جماعه واتشرفت بمروركم على الصفحه
(احمد بك,tamtam،لا تسالنى من انا)
ربنا يجعله ف ميزان حسناتنا جميعا يارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
N O R H A N
.~![ المشرفات ]!~.
.~![ المشرفات ]!~.
avatar

انثى
عدد المشاركات : 1072
العمر : 24
الإقـامـه : k.s.a
الـوظـيـفـه : Dentist in the future insha2 allah
لقب العضو : Miss egypt
تاريخ التسجيل : 25/04/2010

مُساهمةموضوع: رد: أحلى حياه فى طاعة الله(شعارنا فى رمضان)   الثلاثاء أغسطس 03, 2010 2:53 pm

المفروض بجد نستغل رمضان ويبأه فرصه لينا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمد بك
عــضــو كــوول
عــضــو كــوول
avatar

ذكر
عدد المشاركات : 289
العمر : 28
الإقـامـه : الفيوم
الـوظـيـفـه : م.صيانة المحمول
لقب العضو : هوه سماكم المسلمين
تاريخ التسجيل : 19/04/2010

مُساهمةموضوع: رد: أحلى حياه فى طاعة الله(شعارنا فى رمضان)   الخميس أغسطس 05, 2010 3:22 pm

ياجماعه عيزين افكار بجد
ودى ورقة اعمال رمضان
1-المحافظة على صلاة الجماعةوعدم التخلف الا لاغز شرعى وكلناعرفين فضل صلاة الجماعه
2-عدم النظر الى الافلام والمسلسلات ودى مهمة اوى عشان ممكن تفسد صيامك دون علمك
3- الحرص من الغيبة والنميمة والنظرة المحرمه
4- المحافظة على صلاة التراويح
5- النية من اليل على الصيام ---
وفى النهايه متكلش كتير
ومتشكر يابسملة على المجهود الرائع دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Basmala
عضو مميز
عضو مميز
avatar

انثى
عدد المشاركات : 1394
العمر : 29
الإقـامـه : مصر
الـوظـيـفـه : باحثه عن رضا ربها
لقب العضو : امة الله
تاريخ التسجيل : 14/01/2009

مُساهمةموضوع: رد: أحلى حياه فى طاعة الله(شعارنا فى رمضان)   الأحد أغسطس 08, 2010 9:06 am

ربنا يبارك فيك يا احمد ويعزك يارب
وانا معاك باذن الله
ربنا يتقبل منا جميعا صالح الاعمال
ونورتى الصفحه يا نورا بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حبيبة الله
عضو مميز
عضو مميز
avatar

انثى
عدد المشاركات : 762
العمر : 23
الإقـامـه : فى مصر حبيبتى
الـوظـيـفـه : Engineer
لقب العضو : الشاعرة الصغيرة
تاريخ التسجيل : 17/04/2010

مُساهمةموضوع: رد: أحلى حياه فى طاعة الله(شعارنا فى رمضان)   الأحد أغسطس 08, 2010 9:15 am

و انا كمان معاكى يا بسمله
و ان شاء الله كل واحد فينا يخلى رمضان شهر الصوم و القران و العبادات
و بالطريقه اللى يحبها
و صدقونى هتستمعو بردو
و انا موافقه ع فكره احمد
و ربنا يقدرنى و اختم القران ف رمضان
ادعولى بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أحلى حياه فى طاعة الله(شعارنا فى رمضان)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أصحاب كوول | As7ab CooL :: | الـمـنـتـديـات الإسـلامـيـه | ::  ۩ǁ الــخــيــمــة الــرمــضــانــيــة ǁ۩ -
انتقل الى: